Gratu à a ghjentilezza di l'abitanti, mentre u nostru sughjornu, emu avutu u sintimu di fà parte di l'imaginariu di u Capicorsu. Ogni sera, l'oraculu di un situ custeru di previsioni ci dava a direzzione di u ventu è l'altezza di u mareghju. U locu u più prutettu diventava a nostra destinazione di u lindumane pè studià i fondi. Ghjè cusì chè n'emu scupertu longu à a D80, a strana diversità di i paesi capicursini, ogni girata era cum'è un tufone di tarlu, chì ci lampava di fronte à siti varii cum'è u portu di Cinturi, a marina di Scalu o quella d'Albu. Viaghjà in Capicorsu hè una sperienza chì face stravede, di sicuru quantu e prumesse di telepurtazione. Si diceria chì, mentre issa parentesi magica, si sianu sfassate e nostre maghjine. Risposta à u nostru bisognu di smaraviglià si. Pè a nostra participazione à a residenza d'artisti Fotograficasa in Capicorsu, territoriu cusì hè numatu, l'isula ind'è l'isula, avemu prima di tuttu decisu d'orientà e nostra ricerche voltu u mare ch'inturnieghja issu pezzu di terra è a so singularità. Qualesse sò e particularità d'issu paisaghju sottumarinu ? Cum'è reinterpretà, oghje, u patrimoniu culturale chì sorge d'iss'acqua ? U nostru ghjudiziu s'hè purtatu nantu e torre ghjenuvese di guaida longu à u liturale, destinate à prutegge i paesi da i pirati. Mentre chè no tragulinavamu in linea, a torra Santa Maria s'hè imposta è avemu percepitu issa petra di circa 500 anni « pixelisate ». Ci simu messi à custruì sculture raprisentendu vistighe fittive ricusendu di falà si ne. Cum'è tanti « pixels » isse ritagliature cubiche di legnu, sott'acqua ùn cunnoscenu a gravità. Puntate per cullà à gallu, si stinzanu è custituiscenu suspensioni inversate. Annigate solu per e prese di vista, isse stallazioni cercanu à cunghjucà e leggende di e cità affundate cù l'imaginariu digitale, tuttu què fendu nasce un dubbitu inquantu à a materialità d'isse forme. U ritrattu pò sempre testimunià di a realità di l'oggettu . Cumu serà chè no simu sempre avvezzi à interrugà l'origine di e maghjine ?

Hortense Le Calvez et Mathieu Goussin 2015