Tramindui ritrattadori, avemu fattu a scelta in u 2005 di campà in Corsica cù i nostri figlioli è di custruisce ci u nostru avvene.

Dipoi, spartimu u nostru tempu trà l’isula è u mezu mondu.
Cuscenti di a diccia di grande libertà ch’ella ci permette a nostra attività, avemu sempre pruvatu à impegnà ci in a vita di u nostru paese : Ruglianu, creendu, ogni volta ch’ella ci hè venuta pussibile, chjassi ver di l’arte è u fora.​
U ritrattu, cum’è un purtellu spalancatu…​
Hè in stu spiritu ch’hè nata Fotograficasa, cum’è una certezza, segnu di a nostra voglia di sparte di modu più largu a nostra sperienza persunale è prufessiunale arrichendu vita à un locu, surgente di creazione è di scambii, in giru à u nostru duminiu di cumpetenza : i ritratti.​